Årets sommarjobb!
Vi skal halde gratis sommar-tilbod til born og unge i Gloppen, Bremanger, Stryn og Stad kommune! Nordfjordakademiet står som arrangør av ferieklubben «Jakta på Superkreftene» og treng no engasjerte og aktive SUPERinstruktørar!
Vi kan tilby godt betalt jobb i 6 veker frå veke 26 til 32, medan du får fri i veke 29 i fellesferien!
Her kan du kort lese om dei ulike tilboda og sjå kva instruktørar vi søkjer til kva – det er absolutt muleg å jobbe for alle slik at ein får ein full sommarjobb. Marker søknad med «full sommerjobb» eller med veker og kommune du ønskjer å jobbe for.
Send søknad snarast til kontakt@nordfjordakademiet.no
Vi treng SUPERinstruktørar til følgjande:
Vi treng instruktørar til dagtilbod!
Jobb i veke:
- 27 og 31 i Gloppen Kommune
- 26 og 32 i Bremanger Kommune
- 28 i Stryn Kommune
- 30 i Stad Kommune
Eller velg å jobbe i alle 6 vekene! Då vil vi disponere med overnatting ilag med dei andre instruktørane.
Alle instruktørar får betalt opplæring 2 dagar før oppstart i veke 25.
Treng: 4 instruktørar
Arbeidstid: kl 0800-1600
Aldersgruppe: Tilbod for dei som skal til i 2. klasse opp til 4. klasse (7-10år)
Nordfjordakademiet ønskjer at alle born skal finne si heilt spesielle superkraft, noko dei brenn for og har interesse for, og vise dei mulegheitene for å halde på denne superkrafta heile vegen til voksen alder og inn i yrkeslivet.
Å finne si superkraft er ikkje nødvendigvis enkelt – ofte veit ein ikkje kva ein vil bli, kva ein syns er kjekt eller kva ein er flink til. Det er difor viktig at ein gjennom ulike erfaringar og læring gjennom leik får introduksjon til så mange ulike tema og yrker som muleg.
Denne veka skal borna finne sine superkrafter gjennom ulike aktivitetar som:
- Snekring
- Klima-ninja
- Lage mat
- Robotar
- Lage smell, bobler og slim
Vi treng instruktørar til kveldstilbod!
Jobb i veke:
- 27 og 31 i Gloppen Kommune
- 26 og 32 i Bremanger Kommune
- 28 i Stryn Kommune
- 30 i Stad Kommune
Eller velg å jobbe i alle 6 vekene!
Treng: 2 instruktørar – dette kan vere deg som også arbeider på dagtid eller det kan vere du gjerne vil jobbe kun for dette tilbodet.
Arbeidstid: kl 1800-2130, tirsdag til torsdag i vekene over.
Alderstrinn: 8. – 10. klasse
Vi ønskjer også sommarskule for dei litt eldre borna! Vi tenkjer her dei som er litt for «store» til å delta på aktivitetscamp, men som ein her har ein gyllen sjanse til å skape interesse for læring i ein sosial arena. Vi skal blant anna:
- Introduksjon til koding med Edison Robotar
- Design i TinkerCad
- 3D printing av sjølvlaga design
Alle instruktørar vil få opplæring i aktivitetar og innkjøpt utstyr.
Vi ser fram til å høyre frå deg!
Send søknad til kontakt@nordfjordakademiet.no
Søknadsfrist 26 april 2024.
