Kontakt oss om det er noko du lurer på

Nordfjordakademiet
Eit kontakt-punkt for alle som vil jobbe, leve og bu i Nordfjord!

Ønskjer du å flytte til Nordfjord?

Treng du hjelp å komme i kontakt med næringslivet og jobbmoglegheiter?
Lure du på kva som finst av bedrifter innan ditt interesseområdet i regionen?
Har du lyst på ein god sparringspartner om livet i Nordfjord?
Eller er du berre nysgjerrig?

Er du bedrift i Nordfjord?

Har du behov for arbeidskraft og treng ein langsiktig plan for rekruttering?
Tenkjer du at det er viktig å at born og ungdom veit om moglegheitene som ligg i lokalt næringsliv?
Skulle du gjerne hatt ein plan for kva kompetansebehov di bedrift vil trenge for å vere konkurransedyktig fram i tid?
Er det viktig for deg at regionen har eit personleg kontakt-punkt for dei som ønskjer å etablere seg i Nordfjord?

Om du svara ja på eit av spørsmåla er Nordfjordakademiet for deg!

Nysgjerrig på meir? Ta kontakt og book eit møte med oss!

Tonje Bjerkan

Sjef

Eg er fødd og vaks opp i Stryn der eg har hatt skulegang fram til og med vidaregåande skule. Eg reiste ut for å studere som 21-åring og valet falt på Perth, Australia. Der har eg utdanning med ein bachelor i Kommunikasjon og ein major i PR, og tok vidare ein master i Marknadsføring. Etter studia har eg hatt varierte jobbar innan kommunikasjon-, konsulent- og mediabransjen. Dei siste åra i Australia jobba eg for eit universitet, noko som har gjeve meg god innsikt i arbeidet ved høgare utdanningsinstitusjonar og med studentar.

Før eg visste det vart eitt år til 15 år! I 2020 hoppa vi i det og tok valet om å flytte heim til Stryn og eg tok med meg ein australsk mann og 3 barn. Nordfjordakademiet søkte då etter ein person som skulle få fleire til å velje Nordfjord som arbeidsplass. Å rekruttere folk til regionen innebar arbeidsoppgåver som appellerte stort!

Då eg sjølv var ung og budde i Stryn, visste eg null om kva jobbmoglegheiter som var her. Om vi kan gjere dette betre kjent for ungdommen som veks opp i regionen vår i dag, vil eg tru at fleire vil velje Nordfjord som arbeidsplass!

Vidare har eg etter kvart blitt ganske god på å organisere flytting, og vil tru eg kan vere ein god rådgivar for dei som treng jobb til seg sjølv og partnar, finne bustad, søke barnehage og anna som må til.

E-post: tonje@nordfjordakademiet.no

Anders Lødemel

Nordfjordpionér

For nesten 20 år sidan hadde eg min siste dag som student på Stryn VGS og no er eg tilbake i Stryn med Tonje som sjef! Det er inspirerande og ein blir litt audmjuk når ein ser på alt det spennande som Nordfjord har å tilby. Gode, trygge samfunn å bu, leve og jobbe i og ikkje minst den flotte naturen frå fjord til fjell, sommar som vinter!

I Nordfjordakademiet er eg prosjektleiar for prosjektet Kompetansepilot Nordfjord. I tillegg er eg med på det meste som skjer – alt frå å besøke bedrifter til å hjelpe dei som har lyst å få seg ein jobb i Nordfjord. Det er sjeldan kjedelige dagar saman med Tonje og Nordfjord Opplæringskontor!

Eg flytta sjøl heim til Hornindal i 2017 med familien. Alexandra jobbar i Volda og eg jobba på Nordfjordeid fram til eg starta i Nordfjordakademiet i Stryn. Nordfjord kan anbefalast på det sterkaste!

E-post: anders@nordfjordakademiet.no

Sarah Jane Anderson

Inkluderingsminister

Det er 15 år sidan eg, som ung utvekslingsstudent frå Australia, først dumpa ned på besøk i Nordfjord. Etter denne turen begynte ein intens kampanje for å få kjæresten, født og oppvaksen i Stryn, til å flytte hit. Etter ein åtte års rundtur innom Bergen, Oslo, Fiji og Australia fekk eg endeleg viljen min, og vi flytta ‘heimatt’ til Stryn i 2014.

Ein enklare kvardag, nærheit til den flotte naturen, ein trygg plass for ungane å vekse opp, spennande jobbmoglegheiter. Sandstrand, skog og høge fjell. Vi har ikkje sett oss tilbake.

Eg har fått utvikle karrieren min her i Nordfjord. Med erfaring frå diverse offentleg og privat verksemd frå tidlegare, har eg hatt fleire spanande stillingar i Nordfjord, dei siste åra med fast heimekontor som tilsett ved NTNU. Snart er eg ferdig med ei doktorgrad som handlar om flyktningar si oppleving av tilhøyrsle i norske lokalsamfunn.

E-post: sarah@nordfjordakademiet.no

Besøk oss:
Hegrevegen 1, 6783 Stryn

Ring oss:
+47 940 57 325

Epost:
Send oss ein epost her: kontakt@nordfjordakademiet.no

MELD DEG INN I NORDFJORDALUMNI!

Vi vil hjelpe deg med å få jobb i Nordfjord! Nordfjord Alumni er eit gratis medlemskap, og ein vil gjennom arrangement, program og kommunikasjon jobbe for å oppdatere deg på alle dei fantastiske moglegheitene som er i Nordfjord.

Meld deg inn