For å løyse ut vekstpotensialet i distriktsnæringslivet er det behov for oppdatert kompetanse. Dette må vi finne løysingar på dersom vi skal sikre vekst og busetting i heile landet. Med kompetansepilotene i Nordfjord-regionen ønskjer vi å bidra til at små bedrifter, kommunane og offentlege verksemder i regionen har tilgang på kompetent arbeidskraft, slik at dei er rusta for framtida.
Store delar av næringslivet melder at dei strevar med å rekruttere arbeidskraft med rett kompetanse. Arbeidstakarar i små verksemder i distrikta har i mindre grad enn større verksemder tid og ressursar til å finne relevante opplæringstilbod.
Kompetansepilotordninga skal identifisere kompetansebehova og legge til rette for at dei små verksemdene i distrikta får tilgang på den kompetansen dei treng.
Vi jobbar for å få på plass Studentstover i kvar kommune i Nordfjord, slik at alle i kvar krok av regionen vår kan få tilgang til ein plass der ein kan kome for å skrive oppgåver, lese eller kanskje møte på andre studentar.
Målet er å tilby ein plass som kan motivere og gjere det lettare å studere medan ein bur i distriktet. Samt vil vi skape inspirerande lokaler der ein har ein muligheit å sitte tett på det lokale næringslivet, slik at om ein skulle lure på noko, har eit spørsmål eller treng informasjon – så finn du eit hjelpsamt ansikt rundt hjørnet.
Vi har spurt 450 bedrifter i Nordfjord om rekrutterings- og kompetansebehov no og i framtida og 168 bedrifter har svart!
Vi skal sjå nærmare på svara og vil presentere dette seinare. Men her kan du sjå alle svara!
Gjennom prosjektet tilbyr vi alle bedrifter i Nordfjord ein workshop på to delar der vi først ser på kvar bedrifta er i dag og kvar ein ønskjer å vere om 3-5 år. I andre del ser vi på korleis ein skal fylle kompetanse-gapet mellom der ein er i dag og der ein ønskjer å vere i framtida. Løysinga kan vere rekruttering, etter- og vidareutdanning eller andre metodar.
Her kan du lese meir om verktøyet vi brukar til dette – Mind the Gap
Kva: Vi ser på kvar bedrifta er i dag og kvar ein ønskjer at bedrifta skal vere om 3-5 år. Basert på dette ser vi på kva kompetansegap som eksisterer og korleis ein kan tette desse gapa. Det kan vere rekruttering, etter- og vidareutdanning, innleige, etc.
Kven: Alle bedrifter i Nordfjord
Når: Når du har tid. Vi startar i januar.
Kvar: Hjå di bedrift eller ein plass du ønskjer
Kven skal vere med: Dei relevante personane i bedrifta. Leiargruppa, tillitsvalde og evt. andre som jobbar med tematikken.
Vi vil hjelpe deg med å få jobb i Nordfjord! Nordfjord Alumni er eit gratis medlemskap, og ein vil gjennom arrangement, program og kommunikasjon jobbe for å oppdatere deg på alle dei fantastiske moglegheitene som er i Nordfjord.